aefenglommung (aefenglommung) wrote,

Luke 2:1-20 in Old English

Soþlice on þam dagum wæs geworden gebod fram þam Casere Augusto, þæt eall ymbehwyrft wære tomearcod (þeos tomearcodnes wæs æryst geworden fram þam deman Syrige Cirino) and ealle hig eodon, and syndrie ferdon on hyra ceastre. Þa ferde Iosep fram Galilea of þære ceastre Nazareþ on Iudeisce ceastre Dauides, seo is genemned Beþleem (forþam þe he wæs of Dauides huse and hirede) þæt he ferde mid Marian þe him beweddod wæs, and wæs geeacnod. Soðlice wæs geworden þa hi þar wæron, hire dagas wæron gefyllede þæt heo cende, and heo cende hyre frumcennedan sunu, and hine mid cildclaþum bewand, and hine on binne alede, forþam þe hig næfdon rum on cumena huse.

And hyrdas wæron on þam ylcan rice waciende. And nihtwæccan healdende ofer heora heorda þa stod drihtnes engel wiþ hig and Godes beorhtnes him ymbelscean. And hi him mycelum ege adredon. And se engel him to cwæð,
Nelle ge eow adrædan, soþlice nu ic eow bodie mycelne gefean, se bið eallum folce. Forþam todæg eow ys hælend acenned, se is drihten Crist on Dauides ceastre. And þis tacen eow byð: Ge gemetað an cild hreglum bewunden, and on binne aled.
And þa wæs færinga geworden mid þam engle mycelnes heofonlices werydes god heriendra, and þus cweþendra:
Gode sy wuldor on heahnesse and on eorðan sybb mannum Godes willan;
And hit wæs geworden þa ða englas to heofene ferdon, þa hyrdas him betwynan spræcon and cwædon: Utun faran to Beþleem, and geseon þæt word þe geworden is, þæt drihten us ætywde. And hig efstende comon, and gemetton Marian and Iosep and þæt cild on binne aled. Þa hi þæt gesawon þa oncneowon hig be þam worde þe him gesæd wæs be þam cilde. And ealle þa ðe gehyrdon wundredon be þam þe him þa hyrdas sædon. Maria geheold ealle þas word on hyre heortan smeagende. Þa gewendon ham þa hyrdas God wuldriende and heriende on eallum þam ðe hi gehyrdon, and gesawon, swa to him gecweden wæs.

  • I can relate

    A few days ago (so much has happened in the meantime that it seems a month ago), I wrote about the Christian view of life as a balancing act. The…

  • Trial by Arithmetic

    So, the House of Representatives finally got around to impeaching President Trump. Even though they took a while to get around to it, they…

  • To those who I am proud to call my friends

    When a spiritual leader loses his way and fails publicly and spectacularly, it can prompt a number of things in those who believed most strongly in…

  • Post a new comment


    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 1 comment