aefenglommung (aefenglommung) wrote,
aefenglommung
aefenglommung

A psalm for today

Heofonas bodiað Godes wuldor, and his handgeweorc bodiað þone rodor.

Se dæg segð þam oðrum dæge Godes wundru, and seo niht þære nihte cyð Godes wisdom.

Nis nan folc on eorðan ne nan mennisc geþeode þe ne geheore mistlica Godes gesceafta.

Ofer ealle eorðan færð heora stemn; ofer ealle eorðan heora word.

Drihten timbrede his templ on þære sunnan. Seo sunne arist swiðe ær on morgen up swa swa brydguma on his brydbure,

And heo yrnð swa egeslice on hyre weg swa swa gigant yrnð on his weg. Heo stihð oð þæs heofenes heanesse, and þanon astihð, and swa yrnð ymbutan oð heo eft þyder cymð; ne mæg hine nan man behydan wið hire hæto.

Godes æ is swiðe unleahtorwyrðe, forþæm heo hwyrfð manna mod and heora sawle to Gode. Godes bebod is swiðe getrywe.

Godes rihtwisnessa synt swiðe rihta, forþæm hy geblissiað manna heortan. Godes bebod is swiðe leoht; hit onliht þa eagan ægþer ge modes ge lichaman.

Godes ege is swiðe halig; he þurhwunað a worlda world. Godes domas synt swiðe soðe; hi synt gerihtwisode on him sylfum.

Hy synt ma to lufianne þonne gold oððe deorwurðe gimmas, and hi synt swetran þonne hunig oððe beobread.

Forþæm ðin ðeow hi hylt. On heora gehyldnisse is mænig edlean.

Hwa ongyt his uncysta? From þæm ðe me beholen synt geclænsa me, Drihten, and from ælðeodegum feondum spara me, þinne ðeow, Drihten.

Gif mine fynd ne ricsiað ofer me, þonne beo ic unwemme, and beo geclænsod from þæm mæstum scyldum; ac gif hi me abysgiað; þonne ne mæg ic smeagan mine unscylda, ne eac ðinne willan ne mæg smeagan to wyrcanne.

Gif ðu me þonne fram him alyst, ðonne sprece ic þæt þe licað, and mines modes smeaung byð symle beforan ðinre ansyne.

Drihten, þu eart min fultum and min alysend.
Subscribe

  • Point of view in LOTR

    One of the achievements of The Lord of the Rings is its complicated narrative architecture. Stories are interlaced and we follow, now this sub-plot,…

  • Arthur contra mundum

    The consensus opinion among Tolkien critics -- including those who greatly admire his work -- is that The Lord of the Rings is slow to get going,…

  • Not all ancient institutions are good

    The institutions of the Roman Republic have cast a long shadow over western government. Even our Founders paid close attention to the Roman model,…

  • Post a new comment

    Error

    default userpic

    Your reply will be screened

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments